कुठेही निवडून यायला
अक्कल असावीच
लागते
असे काही नाही
कमिटीत बसायला तर
अजूनच नाही
आपली सारी सोसायटीच
वेडगळ आहे
पण दोन्हीकडे
यावी लागते
ती एकच गोष्ट
आपण अत्यंत
ज्ञानी आहोत
हा भ्रम अगदी
ताजातवाना
असायला हवा
समोर ज्ञानवंत
बुद्धिवंत
किंबहुना
ब्रह्मदेव जरी
बसला असला तरीही
अशी चालवता यावी
टकळी
की आपली मूर्खता
अन अज्ञान
ओसंडून वाहूनही
शुद्ध नसावी
आपल्याला
अन हिंमत न
व्हावी
समोरच्याला सांगायला
डॉ विक्रांत प्रभाकर तिकोने
http://Kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा