शनिवार, ३ सप्टेंबर, २०१६

ओळख







माझीच नसे रे
ओळख मजला  
मी अन्य कुणाला
काय सांगू   ||

नाव गावी मज
कुणी डकविले  
कैसे बांधियले
गुण दोषी ||

अरे सांगा मला   
मी कोण आहे
जो व्यर्थची वाहे
नाहीपण ||

भोगात हसतो  
दु:खात रडतो
तयास पाहतो
तो कोण रे ||

निद्रेत जागतो
जाणीव जगतो
विश्वात नांदतो
आहे पणी ||

तो कोण कोण रे
मी कोण कोण रे
ते जाण जाण रे
एकमेव ||


 डॉ.विक्रांत प्रभाकर तिकोणे


कोणत्याही टिप्पण्‍या नाहीत:

टिप्पणी पोस्ट करा

दिवाळी

दिवाळी  ****** अंगणात सजे रांगोळीचे नक्षी  दिव्यातून उडे प्रकाशाचे पक्षी  सुखाच्या शोधात जीवाची पाखरे  धावती वेचती कणकण सारे  नव...