कैसी व्हावी कृपा
मज दीनावर
देव दिगंबर पहावा
मी ||
कैसा कानी पडे
दृढ नाभीकर
हात डोईवर वसावा
तो ||
अखंड धुनीचा
होवून सेवक
भजावा पावक
तेजोराशी ||
कैसी विभूती ती
लागेल या देही
देहासी विदेही
करणारी ||
सुटेल बंधन सरेल
संसार
राहीन अंतर दत्त
पदी ||
विक्रांत निघाला
देवाच्या गावाला
अंतरी वळला गूढ
मार्ग ||
डॉ विक्रांत प्रभाकर तिकोने
http://Kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा