साहेब
*****
साहेब बसतो आकडेमोडीत
तीच भाजी त्याच डब्यात
हिरव्या नोटा पाही मनात
बेसीन झाली पिकदानीगत
उद्दाम भाव बनेल डोळ्यात
आज जरासे कमीच पडले
जळे काहीशी खंत मनात
तसा सराईत बक्कळ धूर्त
सावज हेरतो येताच आत
हळूहळू मग जाळे टाकीत
ड्रावरपाशीच नेई ओढत
बधला नाही जर का पक्ष
घालवून देई बिनदिक्कत
बेपर्वा अन् मुजोर भाषेत
कर्तव्याचा पण पाढा वाचत
कैसा सापास चंदन कळतो
निषाध हाती सज्जन पडतो
किती युगांचे राज्य रावणी
कधीतरी मग राम जन्मतो
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
खूपच सुंदर 👌👌👌
उत्तर द्याहटवा