शब्द
*****
रस तालात भिजले
जीव बेभान बेधुंद
अहा वाहावी गुंगले
शब्द मवाळ मोटके
पर तत्वात भिजले
लावी सार्थकी जीवन
प्राण प्रकाशी पेटले
शब्द मनाचे तान्हुले
भाव बंधानी नटले
करी आकांडतांडव
कधी हसून निजले
शब्द नागमोडी वाट
कुणा क्वचित कळली
कुणा मुक्कामी सोडवी
कुणा घाली रानभूली
शब्द सोयरे ते माझे
मैत्र जीवीच्या जीवीचे
तया वाचुनिया शून्य
जिणे विराण वाटेचे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
डॉ. तुमच्या सर्व कविता खूप सुंदर 👌👌👌
उत्तर द्याहटवाआहेत.
मी पण एका अँप वर कविता करण्याचा प्रयत्न करते.
मुक्तछंद हा प्रकार करते.