******
मी तो पिटतोय जगा
ढोल तुटका तुटका
नाद उमटतो ढगा
होते धडाम धुडूम
नभी चकाकते वीज
वाहे पापाचा तो लोंढा
रुजे पुण्याईचे बीज
देह दाटला व्यथांनी
जीव जातोय पापानी
नच मिटे खुमखुमी
स्वर फुटतो तावानी
दत्त धरतो पिटतो
नाद डिबांग घुमतो
दत्त डिपांग डिबांग
महा कल्लोळ माजतो
देह फुटणार कधी
फुटो याच काजासाठी
घुमे विक्रांत पोकळ
दत्त प्रीत ओठी पोटी
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा