*********
खुळा जीव धाव घेई
जन्मोजन्मीची आकांक्षा
स्वप्न निगुढसे पाही
उंच शिखरी बसला
सखा जीवलग कुणी
त्याच्या भेटीची उत्कंठा
येई उरात दाटूनी
रोज रोज मनी माझ्या
एक उमलते गाणे
खोल काळजात रूते
शुभ्र काही जीवघेणे
किती भोंगळ कल्लोळ
चाले सभोवती असा
आहे कागद सागर
जन्म चितारला मासा
स्मृति मिटुनिया दार
मिटू अस्तित्व पाहते
तन मन प्राण सारे
हिम शिखरी धावते
हाक पेटली दबली
घेई जळत उसळी
दिशा बांधली अडली
कळ विक्रांत अंतरी
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
अप्रतिमच 👌👌👌
उत्तर द्याहटवा