आशा
****:
कधीच मरत नाही
जळले सुख तरीही
प्रतिक्षा मरत नाही
वाहून गेले पाणी जे
परतून येत नाही
हरवून गेले पथ ते
परत भेटत नाही
ओसाड गेही पथिक
आसरा मागत नाही
गिधी विदारले प्रेत
आक्रोश करीत नाही
आले मनी म्हणून मी
कविता लिहित नाही
वेदने विना विक्रांत
शब्द उमटत नाही
दु:ख कुठल्या जन्माचे
कधीच कळत नाही
प्राक्तनात लिहले ते
कधीच मिटत नाही
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
अप्रतिमच 👌👌👌
उत्तर द्याहटवा