भेट व्हावी
*******
तव क्षणभर भेट व्हावी रे
तुझ्यावाचून जगण्याची
या व्यथा मिटून जावी रे ॥
बहू पाहिल्या मूर्ती तुझ्या
सुंदर मंदिरी सजल्या रे
अन पादुका उंच शिखरी
ऊर्जा वलय ल्याइल्या रे
शैशवात तुज पाहिले
काही कळल्या वाचून रे
निद्रा जाग सीमेवर तू
पाहिलेस मज हसून रे
तसेच मुग्ध सुंदर दिसावे
रूप मनोहर डोळ्यास रे
विरहाची ही रात्र मिटावी
दिनकर हो तू हृदयास रे
त्या क्षणाची वाट पाहत
उभा कधीचा विक्रांत रे
सरो वेदना अवधूता ही
घे सामावून तुझ्यात रे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा