राधातत्व
*******
राधा न कळते केल्याविना प्रीतीराधे विन भक्ती
फोल सारी ॥१
फोल सारे जन्म कृष्ण राया विन
जन्माला येऊन
वाया जाणे ॥२
वाया जाते धन यश कीर्ती मान
काळात वाहून
क्षणात रे ॥३
क्षणोक्षणी प्रीत कर साऱ्यावर
जीव जीवावर
ओवाळ रे ॥४
ओवाळून अहं प्रेमात टाकता
ठसेल हे चित्ता
राधा तत्व ॥५
राधेची करुणा भक्ती ये जीवना
मग भेटे कान्हा
वृंदावनी ॥६
विक्रांत मागतो राधा राणी सदा
ठेवी मज पदा
तुझ्या माय ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा