आरती
******
खणाणती टाळ सुर ठरलेले शब्द रुळलेले ओठी जरी ॥१
परि भाव नवे मनी क्षणोक्षणी
चाले ओवाळणी आरतीची ॥२
तीच ती प्रार्थना सुखाची याचना
मागताना मना लाज नाही ॥३
हे तो असे एक आनंदाचे गाणे
जीवना भेटणे जीवनाने ॥४
देव भक्ता पडे देहाविन मिठी
रेशमाच्या गाठी अंतरात ॥५
विक्रांत पेटली ज्योत अंतरात
रोम रोमी दाट तेज फाके ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा