वेध
***"
पुन्हा तुझा वेध लागे दत्तात्रेयायावेसे भेटाया मज वाटे ॥
काय मी चालेल पायरी चढेल
तुजला भेटेल पुन्हा देवा ॥
तुच बळ देता मज चालविता
कर्ता करविता जाणतो मी ॥
सांभाळ दयाळा पुन्हा एक वेळा
भेटीचा जिव्हाळा देई मज ॥
जरी अंगी नाही पुण्याचा तो लेश
भक्तीचा आवेश बळे आणी ॥
गुणात वाहतो मूढ अल्पमती
ठेवियले चित्ती परी तुज ॥
आता तार मार बोलाव वा टाळ
विक्रांत केवळ तुझ्यासाठी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा