ज्वालामुखी

ज्वालामुखी

*********

धुमसतो ज्वालामुखी

उंच त्या शिखरावर

वाहे लाव्हा येतो धूर 

रूप असे घनघोर ॥

पान पान जळू गेले 

रान सारे मरू गेले

जाणिवेच्या हुंकारात 

गाव नामशेष झाले ॥

भय फार पाखरांना 

त्राण जाई उडतांना 

दुमदुमे  भयनाद 

फळ कुण्या कामनांना ॥

अंतरात कोंडलेला 

किती खोल असे जाळ

 ठाऊक न उलटला 

किती युगे युगे काळ ॥

पुन्हा एक जाग येता 

तोच तप्त वेगावेग

आणि नभी उलटते 

एक दैवी गोल रेघ ॥

थरारत्या स्मरणात 

हादरतो कणकण 

उठूनिया लोपतसे

सनातन जागरण ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘