सुख

ऋतुराज 

****

सुखाचा धबाबा होतसे वर्षाव 
आनंदाचा गाव
भेटी आला, ॥१
इवल्या क्षणाचे झाले महायुग
आटुनिया जग
मनी गेले ॥२
कशाला बोलणे शब्द आता उगे
स्वरूपात जागे
तुझे पण ॥३
अवघे कोंदाटे तुझेेेच असणे 
माझे हे पाहणे
मंत्रमुग्ध ॥४
फिरे मोरपीस तनमनावर
जागेपणावर
स्वप्न भास ॥५
विक्रांत धुमारे आनंद फांदीला
आला रे भेटीला
ऋतुराज ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ .