******
जरी साठी आली गाठी
नाही आठी कपाळाला ॥१
कधी व्यथा पाठी पोटी
नाही चित्ती आटाआटी ॥२
आले ऋण गेले ऋण
हाती धन ठणठण ॥३
छान पैकी जगलो की
अहो नवकी शंका नाही ॥४
मनी गाणी मित्र जनी
शत्रु कुणी सुद्धा नाही ॥५
अन ऐक बात पक्की
वजाबाकी कुठे नाही ॥६
तर मग माझे जग
तगमग शुन्य पाही ॥७
जगण्यात सदोदीत
हा विक्रांत मस्त राही॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा