ॐ कार तू
********
निराकारी उमटला संपूर्ण स्वयंभू आकार तू
मिती आली जन्माला विश्वसंकल्प साकार तू
महास्फोटा आधीची अनाकलनीय उर्जा तू
नेणिवेचा अथांग सागर जाणीवेचा गर्भ तू
ज्ञानाची सीमा पुसली चक्रावणारा अनंत तू
विज्ञानाची घुसळण इवली सर्वदा अस्पर्श तू
थकली बुद्धी ठकला विचार अगणित अपार तू
माझ्या मनी सजविलेला ज्ञानेशाचा ॐ कार तू
डॉ.विक्रांत प्रभाकर तिकोणे
https://kavitesathikavita.blogspot.com/
कोणत्याही टिप्पण्या नाहीत:
टिप्पणी पोस्ट करा