भारतरल व जुगार
***************
जेव्हा भारतरत्न
जुगार खेळा असे सांगतात
तेव्हा तोंडात बोट जातात
आश्चर्याने दुःखाने उद्वेगाणे
नट नट्यांचे ठीक आहे
पैसाच त्यांचे दैवत असते
त्यांनी काही केले तरी
त्या पाठीमागे तेच ते
पैशाचे गणित असते
कदाचित त्यांना कशाचे
सोयर सुतकही नसते
ऐषआरामात जगणे
हेच त्यांचे ध्येय असते
पण भारतरत्न देशाचा देव असतो
तरुणांचा आदर्श असतो
तो तरी पाघळू नये पैसा पाहून असा
कढई तील तुपासारखा
कदाचित सरत असेल ही
त्याची गंगाजळी
तर त्यांनी तसेच सांगावे
आम्ही त्याला काहीच
कमी पडू देणार नाही
रिटायर आईबापाला देतोच ना आम्ही
आपल्या उत्पन्नाचा हिस्सा
तर मग देवाला द्यायला
काय हरकत आहे
पण त्याने असे तरुणाईला
पथ भ्रष्ट करू नये खरच करू नये
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्‍या नाहीत:
टिप्पणी पोस्ट करा