अस्तित्व

अस्तित्व

********

तू मेघ आषाढाचा माझ्या जीवनात 

बरसला असा जन्म सुखावत ॥

तू डोह यमुनेचा माझिया डोळ्यात 

हरवून तृषा मी झालो पूर्ण तृप्त ॥

तू चंद्र पुनवेचा माझिया मनात 

स्मरून तुला मी नाहतो अमृतात ॥

तू गंध बकुळीचा माझिया श्वासात 

मी धुंद सदैव तुझ्या अंगणात ॥

तू स्पर्श पालवीचा मृदुल काळजात 

मी थांबून क्षणात ठेवी हृदयात ॥

तू अस्तित्व हे माझे घेतले पदरात 

उरलो न मी आता व्यर्थ या जगात ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ .