केंद्रबिंदू
*******
माझ्या जीवनाचा दत्त केंद्रबिंदू बंधा विना बंधू
अनुरागी ॥१
विस्तारतो व्यास जगता जगता
फिरता फिरता
संसारात ॥२
कुणा वाटे गेलो भूली हरवलो
परी बांधलेलो
तया हाती ॥३
जोवर तो तिथे तोवर मी इथे
नाही या परते
सत्य काही ॥४
काय ती बिशाद बिंदू सुटण्याची
अहो अस्तित्वाची
खूण तीच ॥५
ऋणभार त्याचा सदा खांद्यावरी
धन भारावरी
लीन झाला ॥६
विक्रांत दत्ताचा असे आकर्षला
गुण कर्ममेळा
भोवताली ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा