चांदण्याची गाणी
************
मनी झरती येऊनी
बोल पखरण ओली
जातो चिंब मी भिजुनी ॥
तुझे हात हाती येता
जन्म किती सरतात
तुझ्या डोळ्यात वाकता
स्वप्न किती फुलतात ॥
तुझ्या वेडात अजून
शब्द नवे उमलती
माझ्या गाण्यात नव्याने
भाव पुन्हा अंकुरती ॥
मिठी मारते जीवन
भरे श्वासामध्ये प्राण
तम फिरते माघारी
येते पूनव दाटून ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा