कवितेसाठी कविता: पावुलात

सोमवार, ९ ऑक्टोबर, २०२३

***********

त्या धुंद क्षणात जाग या मनात

जाणिवेच्या आत होता कोण ॥१

बरसती रंग सभोवती गंध

आनंदाचा मेघ दाटलेला ॥३

स्वप्न सजलेले देह पिंजलेले

भान भिजलेले एकरूपी ॥४

हरवू पाहता मुळी हरवेना

आत्मविलोपणा नाकारून ॥ ५

स्पर्शातले डोळे मिटू मिटू गेले

काळीज भरले वेणु नादी ॥६

तुच मनी राधा तुच कृष्ण आता

देह भान चित्ता झाकोळून ॥ ७

विक्रांत वाऱ्यात जळी चांदण्यात

राधा पावुलात रंग झाला ॥ ८

🌾🌾🌾

https://kavitesathikavita.blogspot.com

☘☘☘☘ .