दारी
***
सदा तुझे येणे व्हावे माझ्या दारी सजलेले
तुझे स्मित राहो सदा चौकटीत रेखलेले ॥
तोरणात ओघळून सौख्य हिंदोळत जावे
रांगोळीत रेखाटले मांगल्यही तूच व्हावे ॥
तूच दारी उजळले दीप ते प्रदीप्त व्हावे
अन तुला पाहताना गाली आसु ओघळावे ॥
तुझ्याविन जगण्याला आण काय मागू आता
मागितल्यावाचून हे सौख्य आले माझ्या हाता ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा