कवितेसाठी कविता: विनाकारण

शुक्रवार, ७ मे, २०२१

एक विनाकारण कविता

. .

विनाकारण प्रेम होते

ऐकले होते

अन कुठे कुठे वाचले होते

तसे तर आम्हीही

विनाकारण प्रेम केले

विनाकारण शब्द खर्चीले

पायावरती प्राण वाहिले

पण तरीही कुणीही कुणीही

विनाकारण आम्हा न पाहिले

प्रेम घडते हृदय जडते

नच का कधी केले जाते

हे ही आम्हा ठाऊक होते

ऐकुन वाचून कुठेतरी ते

पुढे विनाकारण खूप भटकलो

अन् लग्न करूनी पुरे म्हणालो

काही कारणे झाला संसार

भाजी मिरची धान्य बाजार

मुले जन्मली ती वाढविली

शक्ती मतीने सुजाण केली

आणिक संसार तेल मिठाचा

जग राहटीचा केला साचा

पण जे होते

विनाकारण . .

विनाकारण

मनात अजून

अगदी अगदी

विनाकारण,. . .

🌾🌾🌾

https://kavitesathikavita.blogspot.com

☘☘☘☘☘☘