श्री गुरू माणिक प्रभू
****************
दिव्य अद्वैत प्रकाश
करी भक्तीत प्रवेश
नित्य निर्गुण असून
घेई लीलाधारी वेष
दत्त अनंत आकाश
होय मुर्त चि सुवेश
करी पूजन अग्नीचे
जणू अग्नीचाच अंश ॥
तेज प्रदीप्त सूर्याचे
जणू ठेविले काढून
अन मार्दव शशीचे
प्रेमे जाते ओसंडून॥
असे दीनदुबळ्यांचा
प्रभू नित्य सहचारी
प्रेम भक्तीला भक्तांच्या
नित्य भुकेला अंतरी ॥
गीते अद्भुत सुरेख
ज्ञान भक्ती मिरवती
अन् गातांना प्रेमाने
जीवा येई अनुभूती ॥
काही भेटी झाली गीती
काही जाणीव विक्रांती
अंश किरणांचा लाभे
जडे तयावर प्रीती ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा