कवितेसाठी कविता: मायबाप स्वामी

सोमवार, १० मे, २०२१

************

मायबाप स्वामी माझे

बंधू-भगिनी सोयरे

तयार कृपा सावलीत

आहे माझे सुख सारे ॥

फार काही सेवा जरी

झाली नाही माझे हाती

हेतू विन प्रेम परी

करी माय भगवती॥

कृष्णमेघ आषाढीचा

उदार तो सर्वा ठाई

येता जरा अंगणात

प्रेमी तया चिंब होई ॥

पुरविले किती हट्ट

साथ दिली संकटात

दत्त दत्त म्हणे वाणी

स्वामी माझ्या हृदयात ॥

काय असे पुण्य होते

स्वामी आले जीवनात

विनवी विक्रांत तया

फक्त पदी राहू द्यात.॥

🌾🌾🌾

https://kavitesathikavita.blogspot.com

☘☘☘☘☘☘

कवितेसाठी कविता