*********
धारदार शब्द जाती
काळजाच्या आरपार
रुततात तया कळे
अवमानी काय मार
मृदू मंद सांत्वनाचे
शब्द देती मनाधार
प्रिय ऋजु भावनांचे
तरंगची जयावर
गोड बोबड शब्दांनी
आनंदते घरदार
सौख्य असे स्वर्गीचे हे
ओघळते अलवार
लाडेलाडे शब्द काही
नेती उंच झुल्यावर
मोरपीस ह्रदयात
जणू काही हळुवार
शब्द कधी जाळणारे
मनी सुड पेरणारे
जन्म सारा स्वाहाकार
येवुनिया करणरे
तेच शब्द बाराखडी
तिच जीभ त्याच ओठी
बदलता मनोभुमी
जग सारे बदलती
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा