अंतरीचे गुज
**************
किती कसे लपशील
कुठे कसे थांबशील
डोळ्यातील भाव सखी
गाजावाजा करतील
घरदार कारा मग
मन बासरी होईल
डोळियांच्या बाहुल्यांना
रंग निळूला येईल
भेटणार नाही तरी
भय मिटणार नाही
विषाचा तो डंख
तुला
मग साहणार नाही
बघ मन मिटू नको
जगण्यात रुसू नको
घे बाहूत स्वप्न वेडे
व्यवहारी बसू नको
हृदयाची ऐक फक्त
हलकीशी कुजबुज
ओठावरी येऊ देत
मग अंतरीचे गुज
उमगलेले जीवन
रक्तातून उमलू दे
जन्मांमधून भेटले
गाणे गळ्यात फुलू दे
डॉ.विक्रांत प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा