तिढा

तिढा

****

तुला उगा पाहण्याला  

मन उत्सुक असते

तुझ्या मुग्ध हासण्याला 

मन अंतरी कोरते  

तुझ्या क्षण असण्याला

रोज प्रार्थत असते

निमिषांच्या भेटीमध्ये

युगांचे तम मिटते

तू असून भोवताली  

योजन दूर असते  

तुडवीत नव्या वाटा

जगणे तुला शोधते

हे कसे सुटावे कोडे

तू आयुष्य व्यापलेले

वा भास हातामधले

असोत हाती भरले

मी उधळू भावनांना

का उगा होवून वेडा

तू सांग राधिके मज  

हा कसा सुटावा तिढा

डॉ.विक्रांत प्रभाकर तिकोणे

http://kavitesathikavita.blogspot.in