कवितेसाठी कविता: मी चकोर

गुरुवार, १६ मार्च, २०१७

तू कशी दिसत असशील ,

कोणता ड्रेस घातला असशील ,

किती छान दिसत असशील
असेच काही विचार

भरकटत

येतात माझ्या मनात
आणि अंतराच्या या शापाने

हळहळते मनात

आणि अचानक वाटते मला

तू माझ्या शेजारीच बसली आहे

कुठल्याश्या प्रवासात
आणि वाऱ्याने तुझे केस

स्वैर उधळत आहे
मला त्यांचा स्पर्श होत आहे
मग मी वाऱ्याला मागे सारत

तुझे केस सावरत आहे

तू लाजून हसून

वळवून मान

खाली पाहतेस

त्या हसण्याचे चांदणे

उलगडते माझ्या मनात

आणि इतक्या दूरवरही

माझ्या अस्तित्वात पसरते

त्याची आल्हादक शीतलता

जाते माझ्या बैचेनीवर

एक मुलायम पांघरून घालत ...

मी नक्कीच चकोर झालोय वाटतं !!

डॉ. विक्रांत प्रभाकर तिकोने

कवितेसाठी कविता