काही माझे न्यून दत्ता घे साहून
पदरी ठेवून चाकरला ||
करतो आळस बसतो उदास
निरर्थात रस घेतो कधी ||
पडूनिया भुली विसरतो काम
घेणे तुझे नाम संगितले
मनाच्या संगती करे नशापाणी
राखण सांडूनी जाणिवेची ||
बोलविल्याविन घेतले वाहूनी
जगाते पाहुनी अर्थहीन ||
पायाची शपथ वाहतो विक्रांत
मज हवा फक्त तूच दत्ता ||
डॉ.विक्रांत प्रभाकर तिकोणे
http://Kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा