पायरीला पोहचलो

आम्ही तसे अडलेलो

देवा दारी पडलेलो

कुणीतरी कधीतरी

वाहणा की विसरलो ||

कुणी काय उचलतो

पार पार झिजलेलो

खिळे टाके मारुनिया

फेकायचे उरलेलो ||

पुढे काही गती नाही

धर्म कर्म हरविलो

वापराचे दु:ख नाही

असू जरी टाकलेलो ||

भाग्य असे थोर किती

पायरीला पोहचलो

संत चरणाचे रज

देहावरी पांघरलो ||

कातड्याला अर्थ आला

विक्रांत हा सुखावला

येई आता सेवेकऱ्या

हवे तेव्हा जाळायला ||

  डॉ.विक्रांत प्रभाकर तिकोने 
http://kavitesathikavita.blogspot.in