कवितेसाठी कविता: माझ्या नोटा तुला घेई

गुरुवार, १७ नोव्हेंबर, २०१६

तुझ्या नोटा मला देई ||

काल फुगलेला खिसा

आज रद्दीवाला होई

लांब लागलेल्या रांगा

नंबर लागत नाही ||

झाला तर होऊ देत

तोटा मला वांधा नाही

काळा गोरा होण्यासाठी

समजकी ही फि भाई ||

कसे कुठे कमावले

कश्यासाठी चौकशी ही

बोलावून गँग तुझी

गंगेत न्हावून घेई ||

ज्याच्या त्याच्या कडे आहे

जो तो म्हणे नाही नाही

राज्याच्या घरात काय

तिजोरी ती मुळी नाही ||

अडचण आहे खरी

आज उद्या सरेल ही

नोटा बदलून साऱ्या

वृत्ती बदलेल का ही ||

खरतर प्रश्न तसा

पैशाचा मुळी नाही

नोटा नसता खिशात

चैन मनास नाही ||

डॉ.विक्रांत प्रभाकर तिकोणे

http://kavitesathikavita.blogspot.in/