सोमवार, १ सप्टेंबर, २०१४

मेलेल्या वाटेला







आज मेलेल्या वाटेला
थोडे जावुनिया आलो
चार पावुले विषारी
जरा चालुनिया आलो

रक्त शिंपले तरीही
नच उगवले काही
न ये डोळ्या मध्ये पाणी
खाचा करुनिया आलो

प्राण जपावे कशाला
अर्थ नसे जगण्याला
उगा कुठेतरी पण
जीव टांगुनिया आलो 

माझा उसवला श्वास
ठोके मोजतो अजून
लाल धमन्यात मीच 
मृत्यू टोचुनिया आलो

विक्रांत प्रभाकर
 

कोणत्याही टिप्पण्‍या नाहीत:

टिप्पणी पोस्ट करा

श्रावण २ विरह

श्रावणा २ (विरह) ******* कशाला श्रावणा येशी माझ्या दारा  घेऊनीया धुंद ऊन पाणी वारा  तुजला पाहता आठवते कुणी   एकटे पणाची खंत ये द...