मीरा लेबल असलेली पोस्ट दाखवित आहे. सर्व पोस्ट्‍स दर्शवा
मीरा लेबल असलेली पोस्ट दाखवित आहे. सर्व पोस्ट्‍स दर्शवा

शनिवार, १ एप्रिल, २०२३

साद घालते

साद घालते
*********
लोभ हाच रे मजलागी 
सदा स्मरावे तुज लागी
घननिळ या स्वप्नी माझ्या 
सदा राहू दे मज जागी 

हास जरासा डोळ्यातूनी 
काया जाऊ दे मोहरूनी 
तुझ्या कटाक्षासाठी एका 
जन्म घेईल मी फिरूनी 

घेशील कधी जवळ तू  
मयूर पंख देशील तू 
या आशेवर वेड्या मी रे 
देहापार या नेशील तू 

जग म्हणू दे खुळी झाले 
लोकलाज मी विसरले 
झाल्यावाचुनी स्पर्श तुझा 
नकोच जीणे रे इथले 

मी न गोकुळी वृंदावनी 
मी न मथुरा त्या कौडीन्यी
वाटेवरती जन्माच्या या 
साद घालते तव दुरुनी 

🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ .

न्याय

न्याय ****** तीच न्याय संस्था फाशी सुनावते  तीच न्याय संस्था निर्दोषही ठरवते  व्यक्ती तीच असते  आरोपही तेच असतात  सुनावनी तशीच ह...