येणे जाणे

येणे जाणे

*******

माझे असणे तुझ्या मधले

कळल्याविना मजला कळले ॥१

असो थांबले असो वाहिले 

वारे नभात सदैव भरले ॥२

ऋतु ऋतूत रंग वेगळे 

तप्त कधी वा थंड गोठले ॥३

कधी धुरात धुक्यात भरले 

आकाश परि ना कधी मळले ॥४

तुझ्याविना न काही इथले

असणे नसणे माझे कुठले ॥५

देणे तू तर होऊन गिळले 

घेणे मग मज नाही उरले ॥६

तुझा असे मी सदैव तुझा रे 

येणेजाणे हे कधी न जाहले ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️