सुटू नये
******
सुटू नये देवा कधी तुझे नाव जगाचा हवाव सुटू दे रे ॥
इथे जे मिळते सदा हरवते
उरात टोचते सर्वकाळ ॥
करावी ती होते व्यर्थ उठाठेव
सुखाचा अभाव असलेली ॥
येतो जातो वारा झरे पावसाळा
स्थिर त्या अचळा क्षिती नाही ॥
तैसे सुख दुःखी कर माझे मन
तुझिया वाचून अन्य नको ॥
विक्रांत जगता बहु कंटाळला
येऊन बसला दारी तुझ्या ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा