श्रद्धा
****
मुक्काम तर नक्की येईल चालणे थांबू नये कधीच
पाय दुखतील खूपतील
रडणे घडू नये कधीच ॥१
वाटा नागमोडी वळणाच्या
वाटा उंच चढउताराच्या
होईल त्रास चालण्याचा
चिडणे घडू नये कधीच ॥२
भेटतील साधू सज्जनही
भेटतील खट लुटेरे ही
देतील कुणी वा सर्वस्वही
बंधन घडू नये कधीच ॥३
मंत्र सदोदित चालण्याचा
तुझ्या अन् माझ्या जीवनाचा
माय शिकवते पुन्हा पुन्हा
अरे विसरू नये कधीच ॥४
संकटे येथील अचानक
घटना घडतील थरारक
दृढ विश्वास परी तो एक
श्रद्धा सुटू नये कधीच ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा