रंग
***"
उधळलेस रंग किती रंगीत झाले जीवन
सरुनही सण सारे
उतरती न अजून ॥
रंग तुझ्या डोळ्याचे
रंग तुझ्या स्पर्शाने
रंग तुझ्या लोभाचे
रंग तुझ्या रागाचे ॥
जीवनाची सारी पाने
गेली रंगीत होऊन
उलटून पाहताना
गमती ताजी अजून ॥
तुझ्यामुळे मजलागी
रंग जीवनाचा कळे
प्रेम विरह ओढीचे
इंद्रधनु मनी झुले ॥
उधळले काय किती
मी मज नच स्मरते
हासू तुझ्या डोळ्यातले
कृतार्थ मज करते ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ ..
कोणत्याही टिप्पण्या नाहीत:
टिप्पणी पोस्ट करा