द्वैत

द्वैत  

*****

चंद्र चांदणे तुझेच होते 

सुरेल गाणे तुझेच होते 

मंत्रमुग्ध मी नयनी तुझ्या 

असणे सारे तुझेच होते ॥

वारा किंचित असल्यागत 

स्पर्श गंधित तुझेच होते 

वेड्यागत मी अर्ध्या धुंदीत 

भान परी रे तुझेच होते ॥

देह कुठला मन कुठले 

रूप केवळ तुझेच होते 

कोण कुणात भिनले होते 

नाटक ते ही तुझेच होते ॥

स्थळ काळाचे अर्थ सरले 

क्षण स्वाधीन तुझेच होते 

होत प्रीत मी माझी नुरले 

द्वैत ठेवणे तुझेच होते ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️