आळंदीत
********
चालला गजर राम कृष्ण हरी नाद नभावरी दुमदूमे ॥
वाहे खळखळ इंद्रायणी जळ
जाय मनोमळ वाहूनिया ॥
वैष्णवांची दाटी लाट लाटेवरी
पुण्य भूमीवरी पुण्यमूर्ती ॥
जया जैसा भाव तया तैसे फळ
माऊली दयाळ देत असे ॥
भारलेले क्षण दिव्य कणकण
गेलो हरखून पाहुनिया ॥
विक्रांता जाहले जड देह ओझे
चित्त चैतन्याचे साज ल्याले ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ ..
कोणत्याही टिप्पण्या नाहीत:
टिप्पणी पोस्ट करा