कवितेसाठी कविता: भजावे कुणा

सोमवार, २९ मे, २०२३

भजावे ते कुणा

*************

आम्ही तुजविण भजावे ते कुणा

सांगाव्यात खुणा मनातल्या ॥१

हळूहळू केली होळी कामनांची

वेड्या हव्यासाची जागणाऱ्या ॥२

फक्त तुजसाठी दत्ता जगजेठी

साहतोय बेडी जीवनाची ॥३

घेई रे व्यापून अवघे जीवन

नुरावे स्मरण अन्य काही ॥४

विक्रांत त्रिगुणी जातसे बुडूनी

सोडव येवूनी अवधूता ॥५

🌾🌾🌾

https://kavitesathikavita.blogspot.com

☘☘☘☘☘

कवितेसाठी कविता