कवितेसाठी कविता: चालणे

सोमवार, २२ मे, २०२३

******

काया न कष्टावी स्थिती न हरावी

अंतरी पहावी दत्त मूर्ती ॥१

बसे दत्तात्रेय मेरुच्या शिखरी

वाडी औदुंबरी त्याचं रिती ॥२

घडे तर घडो तेथे तुवा जाणे

परी ते शिणणे आहे काही ॥३

घडावे भजन मनी दिन रात

उजळावी वाट अंतरीची ॥४

बाकी धावाधाव कुण्या नशिबात

प्रारब्धवशात असते रे ॥५

तर असा काही जाहला आदेश

धावता आवेश थोपवला ॥६

विक्रांत हृदयी धरले साधन

तैसेच चालेन आता पथी ॥७

🌾🌾🌾

https://kavitesathikavita.blogspot.com

☘☘☘☘☘☘ .