कवितेसाठी कविता: दता भेटायाला

गुरुवार, १८ मे, २०२३

***********

पुन्हा भेटायला निघालो दत्ताला

जीवीच्या जीवाला आपुलिया ॥१

तयाविना रिते काय आहे इथे

महात्म्य परी ते स्थानाचे त्या ॥२

जिथे गेले संत महान ते भक्त

श्रेष्ठ नवनाथ पुन्हा पुन्हा ॥३

तयाची ती शक्ती आहे तिथे किती

कळत्या कळती विलक्षण ॥४

मळलेले मन तिथे हो पावन

श्रध्देची वाढून येते वेल ॥५

गिरनारी नाथा करी कृपा आता

परत मागुता धाडू नको ॥६

घेई सामावून माझे मन प्राण

नुरावा रे कण विक्रांत हा ॥७

🌾🌾🌾

https://kavitesathikavita.blogspot.com

☘☘☘☘☘☘ .