कवितेसाठी कविता: मौनावली वाट

मंगळवार, २३ मे, २०२३

**********"

जरी ओलांडून आलो शिखराला

भेटे पायरीला दत्तराज ॥१

भेटला अंतरी हृदय मंदिरी

जाणीव कुहरी वास केला ॥२

हरवला देह मन हरवले

दत्ताकार झाले जग सारे ॥३

पहिली पायरी अंतिम असते

व्यर्थ हे नसते संतवाक्य ॥४

आता कधी जाणे पहाड चढणे

घडो येणे जाणे वा न घडो ॥५

उमटला ठसा पायरीचा आत

गिरनार वाट मौनावली ॥६

विक्रांत घेऊनी घरी ये शिखर

उजळे अंतर काठोकाठ ॥७

🌾🌾🌾

https://kavitesathikavita.blogspot.com

☘☘☘☘☘☘

कवितेसाठी कविता