कवितेसाठी कविता: तुझ्यासाठी

शनिवार, ४ मार्च, २०२३

*********

तुझ्यासाठी किती केल्या उठाठेवी

पांघरले जग आलो देह गावी

तुझ्यासाठी मोक्ष सारला मी दूर

सजवला देह जाहलो कापूर

तुझ्यासाठी आड वाटेला लागलो

जन्म मरणाचा चकवा धावलो

तुझ्यासाठी झालो उन्हात पळस

लक्ष तारकांची काळोखी अवस

तुझ्यासाठी फुल पानात सजलो

सागर सरिता जीवनी बुडालो

तुझ्यामुळे जन्म माझिया मिठीत

अव्यक्त ते व्यक्त पाहिले दिठीत

🌾🌾🌾

कवितेसाठी कविता