कवितेसाठी कविता: शेजीचे खेळणे

शुक्रवार, २४ मार्च, २०२३

************

शेजीचे खेळणे आणले उसणे

जीव त्या लावणे बरे नाही ॥१

शेजीचे खेळणे शेजीचे घेतले

दुःख का दाटले मनामध्ये ॥२

जाहला हा खेळ घडी दो घडीचा

नसून स्वतःचा हक्क काही ॥३

चिंध्याचा बाहुला तुझा ग चांगला

तयाचा कंटाळा बरा नव्हे ॥४

दुजाच्या खेळण्या जीव हा लावला

जीवाने भोगला मनस्ताप ॥५

आपले आपण गोड घे करून

देवाचे हे देणं समजून ॥६

सुखाचे इंगीत कळले बाळीला

विठोबा धरला कवळून ॥७

अर्थ उमगला विक्रांत हसला

हव्यास सुटला नसल्याचा ॥८

🌾🌾🌾