कवितेसाठी कविता: ज्वाला

रविवार, ५ मार्च, २०२३

*****

सुटतात गाठी जळता शेवटी

हरवून बंध जाती सारी नाती ॥

पडे देह आगी कापुराच्या वाती

लपेटून ज्वाला पंचतत्वा नेती ॥

तिथे मोडते रे हरेक आकृती .

असे क्षण हाच फक्त तुझ्या हाती ॥

सुखासवे जाते ओझे वेदनाचे

मावळती भास सत्य त्या दिसाचे ॥

जुने पान जाता नवे पान येते

चक्र जीवनाचे वाहत राहते ॥

रेखाटने क्षण कर्म जीवनाचे

भरो रंग त्यात मन रांगोळीचे ॥

अवधूत रंगी रंगला विक्रांत

धडाडून ज्योत भगवी मनात ॥

🌾🌾🌾