तुला न कळते
**********
तुला न कळते तुझे असणे असते गाणे
माझ्यासाठी ॥१
तुला न कळते तुझे बोलणे
ऊर्जा उधळणे
माझ्यासाठी ॥२
तुला न कळते तुला पाहणे
क्षण तो जगणे
माझ्यासाठी ॥३
तुला न कळते काय असे तू
आषाढ ऋतू
माझ्यासाठी ॥४
तुला न कळते तू स्वप्न जागते
सदैव असते
माझ्यासाठी ॥५
तुला न कळते किती काळ मी
उभा जीवनी
तुझ्यासाठी॥६
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा