कवितेसाठी कविता: स्वामी स्मरताच

रविवार, १२ मार्च, २०२३

**************

स्वामी स्मरताच माझ्या हृदयात

प्रेम बरसात होते सुरू ॥१

स्वामी स्मरताच माझिया मनात

सुखं दाटतात अनामिक ॥२

स्वामी स्मरताच माझिया डोळ्यात

मेघ भरतात आषाढाचे ॥३

स्वामी स्मरताच माझ्या सभोवत

चैतन्याचा झोत पिंगा घाली ॥४

स्वामी स्मरताच झरे फुटतात

कोंब फुटतात देहावरी ॥५

स्वामी स्मरताच श्वास थांबतात

उंच उडतात प्राण पक्षी ॥६

कृपाळूवा होत इवल्या हातात

स्वामी ओततात वर्षा ऋतु ॥७

भरलो आकंठ कृपा कौतुकात

मागे भक्ती फक्त विक्रांत हा ॥८

🌾🌾🌾