कवितेसाठी कविता: सय

शनिवार, ११ मार्च, २०२३

सय (उपक्रमासाठी )

जाणतो मी होता तुझा खेळ खुळा

फिरलो मी दोरा बांधुनिया गळा ॥

येरे म्हणता तू धावतच आलो

नको म्हणता तू गुमान बसलो ॥

नादान करती मोहून कामना

वाचले जाणले घोकलेले मना ॥

परी उघडता दार त्या जगाचे

पडली भुरळ गाणं पारध्याचे ॥

अन कुण्या दिसी हाकलून दूर

घेतलेस पुन्हा लावून तू द्वार ॥

कितीतरी वेळ पायरी बसून

पचवून व्यथा निघालो तिथून ॥

परी येता सय तया दिवसाची

जळते अंतर काहीली जीवाची ॥

भुंकण्याचे बळ नच चावण्याचे

जगतो गुमान जिणे लाचारीचे ॥

अजूनही भीती आहे मनातही

बोलवता तू मी घेईल धाव ही ॥

🌾🌾🌾

कवितेसाठी कविता